高中開學心態預備

大家開咗學一星期lu(?)唔知大家慣唔慣？喺適應嘅同時，想同大家講下高中開學要點樣準備心態。常言道，attitude determines altitude嘛😎

中五嘅同學仔：
衰啲講句中四其實係你最後一年可以hea/玩嘅一年，雖然今年因為社運加武肺你哋無乜校園生活🤡但都唔可以因為咁而Hea咗。中五呢一年你哋可能要做學會嘅chairperson/committee，如果復咗課仲會有排山倒海嘅Sba、功課、past paper、補課同IES，仲有啲人可能會補習，所以大家有心理準備中五會忙到赤曬腳。喺呢度想希望大家做好學習規劃同Time management，一嚟唔好太偏科住，二嚟盡量浸下啲中英文提升語文能力。助教我年中見唔少人明明個分有U讀但跛咗中/英文ends up 要Retake/asso。中英文拎個3真係唔困難，如果有困難真係要試下reach out!!!!!唔好將自己嘅學科困難/問題收收埋埋，相信你願意講你嘅學習困難嘅話好多人都會肯幫你！
另外就係希望大家嘗試keep到個習慣就係每日上完堂夜晚温返今日學過嘅嘢。咁樣一嚟會強化到自己對學科知識嘅記憶，二嚟考試前夕唔會因為一次過將成本書塞入腦而累成狗咁，同埋如果有Concept唔清/有問題嘅話建議你拎張Memo紙寫低，第二日返學(zoom lesson)嘅時候就問老師。如果時間許可，最好就預習埋，咁樣學習新知識嘅時候印象會更深刻！例如Bio(用英文讀)我會睇下啲term先，然後睇下有無嘢完全唔知佢做緊咩，highlight下啲term咁

升中六嘅同學仔：
知道考評局無耐之前出咗今年DSE改動嘅方案，我明白你可能會唔開心、沮喪、迷惘，覺得自己嘅努力付諸東流。我明白，我真係明。但失望，好嬲好嬲過後，就要重新Plan過每一科應該點温習，問下老師/tutor會唔會有新 strategies。例如中史如果想aim high，可以隨自己能力揀甲部/乙部作為主打，再加一啲大topic咁。例如我主攻乙部，温曬乙部之後再加一兩個甲部大topic咁。
另外，最好就係俾個目標自己，當然呢個目標唔好太好高騖遠。例如學校而家Predict你~20分左右，你就揀兩三科衝5+，同自己講要升幾多分(我覺得3-4分應該仲ok，5+分就有啲難🤡)，同埋自己想入邊個Programme。有目標嘅話會更Motivated! 啱啱開學呢段時間不宜太chur，咁快chur 定遲啲會無力chur 㗎🙈適時俾自己休息下，放空打機乜都好，當然要有節制能力🤡