考唔考mock好?
大家好！又係我助教仔🤡又到報Mock嘅季節，近排開始都會有DSErs問我考唔mock好/考邊個Mock好。我喺度就唔評論邊啲mock值唔值得考了(想知可以dm Alvin子叫佢問我)但喺度我想講下點樣揀份性價比高嘅Mock同埋要考慮清楚嘅嘢🥳
1. 時間
As a secondary six student, 時間真係好寶貴，之前我都有同大家計過倒數二百幾日一科淨低幾多時間温書Blah blah blah。你考mock嘅時間除咗考試嘅時間之外，你仲要計埋撘車來回、register嘅時間、等開考等收卷等等。其實考個Mock(特別係中英文一次過考曬三份卷嗰啲)分分鐘用咗你成日嘅時間🤡我試過考中文三份卷由朝早九點考到晏就三點 中間無Lunch time，簡直係地獄兼整壞個胃roarrrr。重點係你考完Mock根本係唔會有精神温書。所以考Mock你真係預會無咗一日時間温習。
另外，如果mock嘅時間係有得揀，建議揀早啲，愈早愈好。因為俾你習慣下朝早要用好多好多腦力嘅Feel🥴
2. Research完再報Mock
嗱，助教我呢，就考過兩年DSE🤡第一年我報咗好q多Mock，科科都有報咁滯。但當時無做好research 就報咗一啲垃圾mock🥶ended up當然係嘥錢嘥心機嘥時間。所以呢，報之前問下師兄姐份mock值唔值得報。(就算無都可以去Tg/連登/Google下)而個人覺得有幾個criteria要考慮嘅：
(a) Content問題：份mock貼唔貼近DSE嘅考法？(大家做夠一定數量嘅Pp應該都會知HKEAA玩法係點)程度會唔會過於深/過淺？卷嘅長度適中？(我試過去個中文mock，遲淨45分鐘都只係做漏6分🤡明顯份卷太短) Elective卷嘅話佢會唔會只係停留於叫你背嘢而唔係考Concepts同Exam skills? 考嘅嘢會唔會Out-Syl?
(b)價錢問題
即係咁，報一個Mock要8舊水，仲要打擊我自信心，考完頹到乜咁，我不如拎筆錢去食自助餐Chill下然後繼續衝仲好啦😂
(c) 報名人數
Em其實呢個唔太重要嘅。我覺得個Mock唔好少過四十人就ok😂只係多啲人考感覺你真係同人鬥緊，個Grade嘅參考度都高啲
(d) Marker質素/試後支援 ⭐️
嗱呢個真係好q重要，俾粒星佢先！
Marker質素係指marker係咪Tick兩Tick就完事，或者係作文淨係寫一句”Off-topic”然後乜者唔解釋俾個Level 2你？中學嗰陣班入面同學sss經LS老師報某Mock，但發現marker亂嚟level 1佢，老師睇完同佢講佢框架思維都啱，正常應該有4up🤡
另外，試後支援係指解卷vid/老師係咪任問唔嬲。解卷Vid會唔會係咁Sell courses?會唔會教錯嘢？講埋阿媽係女人嘢？利申試過報某小型補習社中文mock(佢近排仲係咁喺我ig賣廣告🤡嬲)，2個鐘解卷Video有45分鐘講垃圾同Sell courses，對卷發現佢啲詞解錯L曬。想問返個老師又無得問🥴嬲。所以真係要小心揀
所以會建議大家揀返啲有高汁解卷Vid得嚟又有老師可以任問唔嬲/佢肯單對單同你講返有咩問題。
(e)改卷速度
有老師唔改mock呢樣嘢已成年報😂你俾完錢考Mock都要時間檢討消化同改進。如果你四月考三月中先收到，配套/comments寫得幾詳盡幾好都無用啦下話
呢樣嘢大家可以Google 下
下一篇文會同大家講下報mock嘅作用同心態。STAY TUNED! 😎
Hi大家又係我啊😎繼續返上篇關於報mock嘅嘢，我有啲嘢想講～
1. Mock嘅作用？
我個人覺得考Mock係For自己感受同校外人一齊考試嘅Feel、進入battle mode、考自己stress management，甚至預視自己真係考DSE會唔會有Kam人擾敵/前面條有係咁加紙但你個 腦一片空白乜都唔識？
另外，mock都係一個俾你睇自己有咩Topic唔識/唔熟(Maths/ all elective subjects適用)。如果有topics唔熟就加把勁清咗佢。DSE多數都係考Concepts所以清Concepts真係好好好好好好重要！而且清完係唔使用咁多時間背嘢。
2. 考mock心態
首要嘅係唔好friends報你又報，或者因為同行優惠而同人一齊報，價錢平定貴都未必好。睇返上一篇衡量下報完係咪真係有用。(助教按:2020 DSE淨係考咗Alvin一個Mock。所以唔係報得多Mock=温得多考得好)
其次，唔好諗住考Mock當温書，而係真係温完書先去考Mock。如果唔係又嘥錢又嘥時間🥴
另外，有幾類型人我唔建議你報mock：一，考完發現自己好高分然後放慢腳步開始懶；二，心理質素好差，收到成績未如理想會好頹好唔開心好depressed仲會影響温習；三，諗住玩下人報我又報唔報好輸蝕咁
考Mock從來唔係玩，除非你有的是時間同錢。But as aforementioned，中六學生淨低嘅時間唔多，到而家淨返170日左右，你讀六科即係一科得返28日左右，仲要未計撘車沖涼食飯返學補習休息嘅時間🤡。以過往經驗嚟講啲mock應該1/2月就考，到時時間更緊迫，分秒必爭咁滯。所以大家報Mock前真係要慬慎考慮，thanks。
3. 考完Mock收到成績應該點？
考得好嘅，恭喜你先！但要remind你，你喺Mock到考得可能只係因為你咁啱跟開嗰位老師用得曬佢啲skills，又或者咁啱温中嗰一範。去到DSE一嚟未必真係可以用到名師嘅Skills，二嚟都可以突然玩嘢返炒令你貼唔中。唯有保持謙卑嘅心，睇自己點解失咗某啲分數(最好寫埋錯題簿)，而唔係睇自己拎到幾多分。
考得唔好嘅，唔使灰心～呢個只係mock，仲未係真正嘅DSE。最重要係檢討返自己錯嘅位同低分嘅位，低分係因為心理質素問題？Time management？定自己温唔熟？(嗱，份卷垃圾就另計)檢討完就要改，下一次做好啲。未到真係DSE都會有時間追的！
Anyway就係唔好以為喺Mock到拎Level 5就實無死，未到DSE都要温書操卷啊！！！！
共勉之！❤️