考Mock考得好差,點算好?
大家好！#和你入大學系列 嘅post終於返嚟🥳大家考完mock覺得點呢～作為marker嘅一份子，無可否認今次mock真係未如理想:( 所以嚟緊我會分兩篇文，嚟緊呢一篇主要係安慰下大家lmao
首先恭喜咗考得好嘅同學keke！希望你可以繼續keep住呢個水準，嚟緊嘅七十幾日更上一層樓！但同時間唔好因為咁而自滿，因為mock只係一個indicator，呢個成績都唔擔保你DSE 100%會拎得返呢個grade。所以，記得睇返自己失咗咩分！
至於考得差嘅唔好氣餒。你哋肯嚟考mock、盡力做曬份卷已經好叻～(有人放飛機mock都無考🥲)雖然結果未盡如意，但你仲有時間追！有唔少Alvin學生都係考mock考得差，考DSE考得幾好！Alvin有學生mock 得level 1考DSE有4，甚至有mock得level 2出到嚟有5*。唔係想講老細份mock有幾唔準，只係想話俾大家知如果你考完mock檢討、知錯能改，認真看待嚟緊兩次大測，一定會好過mock 😤距離考中史DSE仲有三個半月(利申 assume呢篇文係一月尾出)呢三個月內如果你肯改、肯温習、肯clarify misconceptions 同肯定期做CE/DSE essay嘅話，一定會好過你今次mock考出嚟嘅成績。
要記住，**重點嘅唔係要睇自己拎咗幾多分，而係要睇自己失咗幾多分，然後諗下喺下一次嘅功課/test/mock點樣拎返失咗嘅分**！mock只係一個參考話俾你聽你有咩範圍未温好，有咩錯誤嘅概念(混淆咗個時間線/記錯人/policies/條約記錯咗等)學咗嘅skills/框架用唔用得返。而中史mock嘅用處多數就係睇啲tutor今年tip咩題🤭
況且mock嘅成績會受好多因素影響，例如份mock係咪離地、你有無補開嗰個tutor等等。你補開佢而考得好，其實叫正常，因為你用開佢教嘅skills、框架同史料，favour到佢嘅口味/marking，考得好都不宜太驕傲。(你跟開佢都考得差就真係要諗下係你自己無温書定佢出得太離地)。無補開佢而考得差都唔需要太自卑嘅，你無用開佢嘅框架/史料，俾唔到分都叫正常嘅🙈況且中史都算叫做主觀marking嘅。唔使太灰心！
點都好，mock只係一個你考DSE前嘅一個小小里程碑🥸重點係要檢討、揾返失咗嘅分，再喺練習到避免出錯。如果發現個mock係伏嘅話，就當去感受自己嘅time management同stress management啦(今年武肺令好多mock無現場考:( 我明的)
加油喔！下一篇會針對性啲講下大家可以點改進🙊
大家好～收完成績同睇到上一篇sharing嘅你，希望你會relieve少少xddd今篇我就會practical啲咁同大家講下點樣learn from mistakes!
想睇番之前mock sharing可以search番之前1月尾左右既post
1. 格式問題
雖然呢個唔太叫做”mistakes”，但會影響到你嘅印象分。所以請寫好啲字，分段隔行、分段隔行同埋分段隔行==“ 温咗咁多書但因為啲字潦到marker睇唔到搞到無分，我諗你都唔想㗎:(
仲有就係要寫signposting字眼(第一，首先嗰啲)、書寫主題句，同埋記住10/15分係唔使寫引言，因為唔會計分。*但25分就一定要寫！有考生10分題寫半版(無意義)嘅引言，好浪費時間🥲
另外，記得「根據資料」一定要跟資料方向，要跟資料分段，寫資料外嘅嘢就IR。
2.時間線錯曬/混淆史實
即係歷史事件嘅先後次序亂曬，例如以為雍正先過康熙，又或者係四場戰爭嘅背景、條款撈亂曬。個人建議前者真係畫返條timeline，後者就一張紙寫曬對比表(唔使詳寫內容，再加唔同顏色嘅highlighter分辨，得閑就望下佢，減少混淆嘅情況出現。（參考slide 2)
3. 俾題型伏到
學校老師可能唔會教題型，淨係叫你死背就得，所以有同學答題嘅時候會無咗框架。記住，有框架，無史實點都會好過有史實但零框架。經過今次mock你可能就會發現有啲題目字眼要你比較、影響/成效題正反都要寫。個人就自己會寫錯題簿+題型簿，避免自己再一次被Alvin同埋HKEAA伏到💩錯題簿嘅寫法大家自己睇得明就得，但中史嚟講我會印/寫題目，再用紅筆圈低伏位同寫misconception/reminder，臨考前一晚/入場前望一望，咁就唔會錯了。
4. 書寫空洞/粗疏
應該有啲同學會喺自己份卷到見到呢句comment。呢句嘢主要係同你講你得elaboration但無相關嘅史實(evidence)。要解決呢個問題...就係要温書🥴你唔温中史再考中史就真係神仙難救。總之，每個論點至少要有一個史實去證明，如果唔係marker就會覺得你「書寫空洞」。我明白大家可能温教科書所以就無乜史實，如果唔想温教科書又唔想補習，可以試下睇三色書（析論中國歷史）雖然有啲out-Syl嘢，但起碼大部分嘅史實都係marker想見到的。(Alvin學生温懶人包就夠史實了)
其他再針對性啲嘅就留返喺解卷再講了🤭希望大家learn from mistake然後喺DSE拎到理想嘅成績😙