前言：各位同學好，Alvin又搵左一個舊生講佢既Retake同Asso經歷，同學們可以參考。當然以下內容只係個人經驗，只屬參考，路係自己開創，大家加油

《淺談Jupas/Non-Jupas + retake+asso讀書心得》

👀Jupas同Non-jupas有咩分別？
簡單啲講，jupas for本地生，主要睇你DSE成績，你成績好大部份可以揀到好多科，當然亦有例外啦，詳細自行ig search ffclassroom；non-Jupas主要for asso、海外讀完書返黎香港讀U 、IB既人。除咗公開試成績外，更著重你其他achievement 同面試，但non-jupas黑箱作業，以asso為例，佢哋會重視你interview>GPA，我有兩位朋友就讀hkcc，有意讀city BBA，A朋友GPA 3.8、B朋友GPA 3.5，正常理應揀A，但A面試唔係咁好，反觀B面試出色，最後city收咗B。睇到呢到，你可能諗，咁GPA咪廢啦。唔係，GPA係保證到你可能有interview同offer既機會（雖則經asso上去ugc programme 有八九成要面試，但仍有一成多唔洗interview 嘅）我自己比將要讀asso既同學兩個advice：GPA愈高愈好＋嘗試令到自己presentable 多啲（後者一黎幫到你interview，二黎幫到你升上U既present )

Retake（jupas)
💫搵個中小型補習follow住你
睇返考評局數據就知，要係不足一年升grade唔係一件易事。買返你要retake既卷，搵個中小型補習老師睇，之後對症下藥，逐步改善，加上中小型補習叫做有個人跟住你進度，成個過程會好好多。

💫定個時間表
retake大部份同學都應該係自修，唔係跟學校重讀，變相你會好咗好多時間，你會好容易hea咗，呢個亦係好多retake學生失敗既其一原因。set個時間表，定下每日要做啲乜。我果陣係晨早8am左右起身操卷，做到3、4點左右，去到夜晚先溫書。點解朝早操卷？因為DSE考試係朝早考，要開始比個腦有個習慣start to work，記住呢種感覺。

💫past paper
Past paper 分為三類型：AL、CE、DSE。唔係每科都可以做哂，詳細問自己相熟嘅補習老師，我會建議CE>DSE>AL>DSE甘做，按難度去做，無需要執着做AL，畢竟你既大佬係DSE。除咗做past paper，你仲可以睇果年既marking scheme、學生常犯錯例，去避免自己重蹈覆轍，更上一層樓。

💫學會接受孤獨
Retake一路上，你同屆同學有啲去咗讀asso、有啲入U，上莊住hall識新fd子，無人會明白你重新讀過DSE所遇到既壓力、崩緊、對於未知恐懼、仲有憂鬱嘅感覺；佢哋只會覺得你係重新讀過啲嘢好簡單姐。你要學習既，係點樣同尼堆壓力情緒共存；你好孤獨，好容易灰心，但呢啲都係你成長既烙印。

Asso(non jupas)
💫step 1：搵source
Asso同大學一樣，都係要搵source，搵下邊啲course 靚grade，邊個教得好教得垃圾，邊個係killer，啲assignment，exam係點咁，試下reg啲對自己有利既。

💫step2 : 避開killer
如果你做足step 1，甘killer 應該可以避到。咩係killer？正常你做得好咪靚grade，但killer可能係因為你得罪佢、政見不同、佢份人小氣種種涉及個人情感既事而爛你grade。asso既目標係有個好GPA幫你升U，遇到呢啲人通常避走佢。

💫step 3：上堂active 少少，間唔中答少少問題
如命題所講，留少少好既印象比老師，覆你email會快啲仲有個人認為啦，改功課會鬆手啲，但唔洗過份active，就會變咗太煩。依自己經驗，通常呢啲太多野講既人，都係廢㗎。

💫step 4：搵戰友
Asso朋友唔洗多，畢竟大家都係目標都係得一個，就係入大學，搵一兩個志同道合嘅朋友至可，呢段時間大家互相扶持，做grp project已經夠。唔洗特登去r fd，你係勁人自然會有人r你，起碼我自己係咁啦哈哈；唔洗驚freerider，同老師pot到佢痴線至可。

💫step 5：自身問題
要好努力，你唔會知同你同一個系有幾多臥虎藏龍，你唯一可以做既就係不斷chur自己，好堅持咁做一樣野，唔好做deadline fighter，你堆埋堆埋啲assignment最後一次過做會好辛苦㗎。我不嬲都唔做deadline fighter 既，不過我有次想試一次果種就死既感覺，所以揀咗份佔20％既黎試試，我成兩日冇訓過係幾辛苦下，當然我最後出嚟嘅分係A啦XD

睇到呢到，我諗大家都係想入U先睇架姐。至於大學係何物，你想係入邊帶走啲咩，實現啲咩，每個人都唔同。

值得反思既係，

你想透過大學，去做個點既人？