#和你入大學系列
今次係講心理質素！
心理質素看似同DSE/入U無關？咁你就錯鳥！🥴DSE除咗係考你夠唔夠勤力/有無温好書/time management，其實某程度上考埋你嘅心理質素！
如果無好好處理壓力，就算有5**嘅能力，都可能淨係拎到4/5。
所以，今次就教大家點樣handle stress!😎

1. 揾出壓力來源
要處理壓力就要由根源開始！回想一下，你嘅壓力係源自於學業？屋企？朋友？自身期望？拍拖？
揾到之後，嘗試去面對佢。諗唔掂？嘗試去Reach out啦 :)相信一定會有人同你分擔㗎(向Alvin發下牢騷都ok㗎🥱
要知道有壓力唔係問題，重點係要識面對。IT’S OKAY TO BE NOT OKAY (:

2. 每日起身前做個Planning，set目標逐步嚟
每次温習前寫個Checklist俾自己，一日不宜做多過三科嘅嘢。set目標不宜set得太高，如果唔係好容易因為達成唔到自己嘅目標而好焦慮，覺得自己乜都做唔好。如果第一次Set嘅話不妨睇下自己做到幾多嘢，再作出調適。去到12月左右逐步set高個Target都唔遲:)

3. 寫日記
：咩年代啊？仲有人寫日記咩？
親身實驗過，寫日記係比喺Private ig打一堆長文鬧人更加紓壓！
有研究指，寫日記可以將一啲模糊嘅諗法/訊息轉換成具體嘅感受，而呢個過程其實係有助調節情緒。所以下一次好stressed好depressed嘅時候，試下將你感受寫出嚟啦！

4. 減少攝取咖啡因
我明白考DSE真係需要Red bull/咖啡/奶茶嚟提神。但係過多嘅咖啡因會令人緊張/煩躁/焦慮，亦都令人難以入眠，最後第二日唔夠瞓又躁底，形成惡性循環。
如果想朝早提神，試下起身做十下Burpee jump，啲血bump上腦就會醒神好多！

5. 從飲食入手
雖然食甜品/垃圾食物好似食完會令人好滿足繼而開心，但呢種感覺唔會Last long，甚至會愈食愈抑鬱。因為呢類食物升糖指數高，令你血糖指數喺短時間內急升。當血糖指數跌嘅時候，你又會開始depress鳥。
試下食苺類(strawberry/raspberry/blueberry etc)、香蕉、有豐富的Omega−3脂肪酸嘅食品(如三文魚)、飲綠茶，都可以改善情緒！

6. 維持Work-life balance
雖然2021 DSE嘅得返10個月左右，但我都建議大家一星期最少有一日係for你自己放鬆，做一啲你自己會開心/放鬆嘅嘢。打機彈琴彈結他睇書睇Netflix放空瞓覺乜都好。總之做一樣你做完會覺得自己充滿力量嘅嘢，咁先夠持久力繼續温習😌

7. 避免預留太少嘅時間做嘢/出門口
雖然趕deadline好刺激，但係長期喺呢種狀態會好intense/不知所措。如果唔解決佢嘅話身體習慣咗呢種Intense嘅情緒其實好難返轉頭，到時就後悔莫及🤕所以，為自己身體著想，預多啲時間俾自己，唔好有拖延症，俾多啲時間平伏自己情緒。

8. 放慢你嘅生活節奏
太急促嘅生活節奏會令自己好焦慮。試下yoga/冥想(meditation)。合埋眼，focus喺呼吸到，慢慢想像switch off你身體嘅運作...er其實市面有好多Meditation app大家可以試下🤣🤣我自己個人會合埋眼聽disney嘅Pure music，大家都可以試下！

9. 改變心態，唔好憂慮未知嘅嘢/改變唔到嘅嘢
DSE/入唔入到U喺放榜之前都係未知知數。與其不斷擔憂，不如放多啲時間去温習，搏盡無悔。
有啲嘢我哋人類控制唔到，既然難以改變，何不順其自然？船到橋頭自然直😎
作為有信仰嘅人(基督徒)，就直接交俾上帝啦！Do your best and God will do the rest!

知道大家辛苦啦！係哋經歷咗咁多仲願意堅持落去，好叻！撐多十個月就係一條好漢，加油啊！😎😎