司馬遷以「究天人之際，通古今之變，成一家之言」既史識，對後世史學同文學既發展產生極深遠影響，例如《史記》首創的紀傳體撰史方法為後來歷代「正史」所傳承。但其實在當代，《史記》被諷為謗書，東漢時王允曾指「昔武帝不殺司馬遷，使作謗書，流於後世。」，一代史學名著被諷為謗書？有何原因？
.
東漢末年，董卓帶兵到洛陽，劫天子之位而令朝綱。董卓聽聞有個人叫蔡邕，佢才高名望，想據為己有。蔡邕開頭「稱疾不就」，於是董卓良威脅蔡邕就範。結果蔡邕三日內予以連升三級，官至尚書，但佢非真心依服，且想離開官場，正值蔡想向董卓道出去意，董卓就比呂布同宰相王允殺左。董卓死後，王允視蔡邕為逆黨，需下獄治罪，當時太尉向王允求情免死，等蔡為漢室記史留存後世，王允唔比，話「昔武帝不殺司馬遷，使作謗書，流於後世」，最後蔡邕就死於獄中。不過，王允並冇講到《史記》謗係邊到。後李傕郭汜圍攻長安之時，拒呂布保他出城，而選擇跳樓受死，以身報國。
.
王允作為一個忠君愛國人士，確實都唔係咁鐘意《史記》。
司馬遷為人物立傳時，唔受傳統歷史記載既成規所拘束，而係按照自己對歷史事實認識黎記錄，暗含作者強烈既感情色彩，例如《史記》會對「以武犯禁」既曹沫、專諸、豫讓、聶政、荊軻等古代五大刺客記敘生平及事蹟。晉國俠客豫讓曾經投靠智伯。被智伯寵幸，後黎三家分晉，智伯被趙襄子殺害，趙襄子仲將智伯既頭蓋骨當飲器。豫讓為佢報仇，不惜假扮工人、乞丐，為左唔好比人認到，佢仲用炭傷自己喉嚨，同自己老婆講「士為知己者死，女為悅己者容」，最後行刺失敗，當場自殺身亡。刺客或遊俠，一定唔受當權者鐘意，因為佢地以武犯禁，但果時司馬遷被漢武帝閹左，對苛政體會日深，自然會想有個俠客幫自己，按司馬遷《刺客列傳》：「今遊俠，其行雖不軌於正義，然其言必信，其行必果，已諾必誠，不愛其軀，赴士之厄困。」誇獎刺客。加上司馬遷揭露同批判當時盛行既封禪祭祀、祈求神仙活動。《史記﹒封禪書》將漢武帝迷信神仙，千方百計祈求不死之藥既荒謬行為淋漓盡致地描繪出黎。
.
後黎，因為史記內容敏感，批評時政，漢武帝亦下令刪去書中敏感部份。有時，講真野真係可以比人話係謗書……
。
。
截圖自Serrini x 鄭欣宜 【先哭為敬】
是這些結伴 讓我擁有過豐盛
以我沾濕的眼睛 對美好光景致敬