暑假嚟到一半！大家有無温好書？今日想同大家講下考DSE嘅心態預備！
(其實講考試心態係因為大家喺呢個咁exam-oriented嘅考試制度之下好多身邊嘅人都無咩點講心態預備/忽略大家嘅情感。唔想大家有5**嘅能力但被心態影響咗表現！)
1. (For 懶散嘅同學) 唔好以為DSE好遠
截至打文嘅今日(9/8/2020)，距離2021 DSE得返246日，即係Average每科得返41日，一個月多少少咋🤡仲未計你返學、撘車、食飯、瞓教嘅時間，其實可以用嘅時間真係唔多。仲要今年中五升中六嘅你哋停咗咁多課，SBA/IES嗰啲一定係積到中六先做。你可以自己温習/操卷嘅時候真係淨低唔多。乖，努力埋呢8個月打好學位戰啦，好無？🥺
我當年補某位英文老師嘅時候佢第一堂就整咗張DSE cert俾我哋，成績嗰一欄係空白嘅。你imagine下你想一年後收到成績係咩心情？笑到四萬咁口定係要諗爆頭應該retake定係Asso好？
2. 唔好受外界影響
我呢幾日成日都見到有Studygram收到中五final嘅成績話自己收到成績好頹心情好差，因為同自己嘅理想有出入/同自己aim嘅Grade仲有一段距離
作為過來人，我好明白佢嘅心情，因為我都曾經試過因為拎唔到中史全班第一而喊、唔甘心、好嬲自己，然後好頹。
然後經歷過Retake嘅一年洗禮明白到校內成績/補習Test, mock都只係一個Progress report用嚟做參考，唔會影響到DSE。況且校內mock有好多問題: 用出版社mock以致唔貼近DSE玩法、純粹你唔夠時間温習、難度係根據校內學生平均水平調節(即係Band 1卷難啲, band 3卷易啲**唔係歧視！只係普遍嚟講)、得一個Marker老師隨心情/對你嘅印象嚟俾分。咁樣講唔係叫大家唔使理學校Exam/quiz/mock，只係想同大家講唔好太過執著於學校排名同成績，年中見唔少人學校考得麻麻地然後喺DSE考得好好🌞
當然我會建議大家將呢份嘅唔甘心轉化成動力去Push自己令自己下一次考得更好。
亦都可能有人喺你考得好/考得差嘅時候冷言冷語，質疑你嘅能力。你內心反個白眼俾佢，當佢係假想敵，然後努力喺DSE prove俾佢睇你係掂嘅！咪睇下邊個笑到最後囉哈哈哈😎最重要唔好被人影響到啊！
3. 唔好怕做錯嘢
Previously 幾篇文我都有Mention過Error book呢樣嘢，因為都幾重要下。
曾經嘅自己好怕自己出錯而唔敢寫essays俾老師改，有嘢唔識唔夠膽出聲，覺得好唔cool，然後成績就出事🤡勸喻各位抱住「我而家錯咗DSE就唔會錯」同埋不恥下問嘅心態。要勇敢面對自己嘅錯誤，收到功課老師話有問題就要睇，jot down去Error book入面，有唔清楚唔明白嘅地方要問到清楚為止，然後每次Exam前一晚就睇自己本Error book。(同埋而家有補習做功課嘅話要聽下Alvin語重心長嘅功課檢討錄音🤡)總之記住，我而家做past paper寫Essay唔止係為咗練我手感同埋温習，同時我都係避免自己喺真正考DSE時出錯，that’s why 我話Error book咁重要就係咁。LEARN FROM MISTAKES，唔好重蹈覆轍！！！
4. 唔好覺得休息係奢侈
成日都聽到有DSErs問：「點樣先令自己抖完唔會有罪惡感？」
我會答：你唔休息—>温習嘅Effectiveness就會好低—>我需要更多嘅時間去温完一課書—>頹(然後休息得唔好，個Cycle再Loop多次，變成惡性循環)
DSE嘅成績唔會去Count你温咗幾多個鐘嘅書，我哋要嘅係温習嘅Quality而唔係quantity
所以通常我一個星期都會有一日攞嚟做自己鍾意嘅嘢，睇下Netflix彈下琴，差滿電再温書，effectiveness 會高好多。
5. 對自己有信心
我都係對自己無咩信心嘅人🤡但唔對你自己有信心嘅話即使係有5**嘅料你都未必可以完全發揮出嚟。exam/考DSE前我哋當然仲可以安慰下你俾下啲心靈雞湯你，但入到去考場我無得旁住你。入到考場你就係你自己嘅社工，你唔識嘅好多人都唔識。而家考Exam咋嘛，我考完睇下自己有咩問題之後寫去Error book下一次甚至DSE唔好錯咪得囉！而且又唔係拎100%先攞到5**嘅🤡有一兩條唔識做好正常啫！
大家打好學位戰！我哋大學見！