Study leave嘅季節

​

study leave係一個好重要嘅時段去determine 你究竟可唔可以爆發你嘅潛能去升多個grade。嚟緊我會address下之前同學喺Q&A到問嘅問題(有啲係我自己諗)，當係少少嘅reminder:

Q1. Study leave要點安排時間？
A1. 嚟緊個幾月無人supervise你，唯有自己set up routine+timetable。呢段時間要開始俾自己進入考試狀態。到時候DSE會08:30開考，咁我就預自己07:00起身，梳洗+食早餐(一定要食，一陣講！)，08:30到温習地點開始計時操卷。將全日嘅時間break開三節，我自己係08:30-12:30, 1400-1800,2000-2200。唔係話時間愈多愈好，有啲人温三個鐘可能仲好過我温6個鐘，睇返自己係邊類人。
我自己朝早嗰節係操卷+對卷+睇markers’ report，有唔明再chur下補習老師同日校老師。

科目分佈方面，好耐之前出post都有提過: Depends on 你自己想入咩大學/咩programme，睇咩科有咩加乘。例如我想入中大英嘅話，我4C+2X at least要有26分，而英文同Eng lit有加乘，咁我英文要衝上5+，ENG lit都要有5；我喺study leave就擺多啲時間去呢兩科到。唔係叫你唔好温其他科，只係要知自己目標喺邊，然後其他科保持正常水準/大學basic requirements 就ok。
如果你嘅目標只係入U/想入嘅programme無特別加乘，咁你就揀兩至三科你擅長嘅科衝上去。例如我中英文/中史比較好，我目標係呢幾科拎5+，咁我喺study leave就擺多啲時間入去。

會建議大家寫checklist，list曬温習範圍出嚟(睇圖)，温完刪咗佢，好有快感(笑)

Q2. 好易分心，點算？
A2. 之前睇過一個研究係人喺熟悉嘅環境下好易分手，所以我隔幾日就會轉一次環境。例如我學校嘅話，我會學校禮堂/自修室/library輪住用，間唔中去下Coffee shop/大學圖書館
我喺study leave嘅時候deactivate 咗我嘅Instagram，delete埋Snapchat同Facebook，得返whatsapp同telegram。一嚟我就唔會addicted to social media，二嚟我都唔會受social media影響(特別如果你有開studygram，會見到嗰條友温12粒鐘，呢條友温14粒鐘blah blah blah好鬼擾敵🤡當然有啲人可以將佢變成motivation，但有啲人會睇到人哋好勁之後好自卑好panic影響到温書就唔好啦🥲)

Q3. 無動力温習
我呢，嗰陣嗰陣會寫下啲quotes痴喺枱頭，再痴下偶像嘅相(上面被人二創”you should be studying”)成件事好似佢望住你叫你快啲温書咁
Or諗下我努力啲讀書，好快就有兩個幾月假放🤡諗下自己想努力埋呢個幾月定係想下年再見努力多一年？

Q4. 個人生活習慣
上面講咗，食早餐好重要。之前睇過個研究話唔食早餐嘅人係會蠢啲(唔係作，🤡)當然揀咩早餐食都好重要。最好揀啲低GI、高蛋白質、omega-3嘅食品，例如全麥麵包(唔好食白麵包😠)、烚蛋、三文魚、豆類製品(我飲無糖豆漿，因為有糖=高GI)。唔解釋咁多，用營養學嘅角度分析㗎我🤡(利申：讀Bio)
女仔嘅話忍下口唔好食生冷嘢住，凍飲、凍甜品、壽司、奶茶、雪糕都唔好食住，考完試再瘋狂食都唔遲。畢竟考成個月，萬一佢突然考考下嚟痛到pk影響performance 就出事了🤡

下一篇會集中講中史喺study leave嘅策略。呢段時間會好難捱，有咩諗唔開/唔開心/擔憂/panic嘅記得揾我哋傾下！
Feel free to find us on @alvinchist_badfriendss / @alvindsechinesehistory 🤪