top of page

講經時間 - 隱藏
所謂「隱藏」,有進攻及防守之意。
【講經時間】
所謂「隱藏」,有進攻及防守之意。
以前睇新三國,好記得某一幕既對白。
果時司馬懿密謀政變奪取曹魏政權,政變成功時,司馬懿就諗當年佢同曹操既一句對話。
曹操問司馬懿,你知唔知點解人隻腳總係白白地既呢?
司馬答唔知。曹操回話,因為隻腳經常被隱藏住。
在對比依家,司馬懿終於奪取曹魏政權,回首過去,指自己「揮刀一下,但磨刀就磨左幾十年啦﹗」
.
另一方面,隱藏都可以為左保護自己。教春秋時教過范蠡依個人,當年佢幫勾踐打倒吳王後,深知自己在有功於越王之下,難以久居,所謂「飛鳥盡,良弓藏;狡兔死,走狗烹」,勾踐咁忌有功之人他日會奪其政權,范蠡就決定急流勇退,最後就好似我地教科書咁講經商成巨富,自號陶朱公。
.
溫書如是,同學有時會瘋狂張揚自己溫左幾多書,好中意以量取勝,但其實溫中及識溫書才是重點。同時識得隱藏自己,所謂悶聲發大財,密密磨刀,可能最後更能得到你想要既野。
.
講完廢話,就要好好努力再溫書啦﹗
YOU WILL NEVER WALK ALONE!!!!
bottom of page