top of page
[歷史知多一點點]
呂后「人彘」

近排同同學仔上堂,講到呂太后,於是就同大家講多少少史實補充,講下「人彘」。
呂太后其實係高祖劉邦微賤時既糟糠之妻。高祖劉邦做漢王時,係定陶得到戚姬,寵愛戚姬多過呂雉。當時呂雉之子劉盈為人仁弱,劉邦認為劉盈唔似自己,所以成日廢左劉盈太子之位,另立戚姬個仔,好彩得大臣上諫先冇廢到太子,但就引來呂太后既不滿。
劉邦死後,劉盈即位為帝,呂后開始獨掌大權。因為呂后好憎戚夫人,所以唔會放過。一開始呂后先罰戚夫人做苦工,戚夫人私下唱歌嘆息,「兒子為王,母親為奴僕,終日舂米到薄暮,常常與死亡為伍!母子相離三千里,要找誰來告訴你?」
後來,有一日,呂后襯惠帝去狩獵時,將戚夫人既手手腳腳斬曬,薰聾雙耳,挖雙目,又用啞藥將戚夫人毒啞,拋入茅廁中,稱為「人彘」,意為人中之豬。呂后又叫惠帝去睇戚夫人,惠帝痛哭失聲,認為母親呂后慘無人道,違背常理,驚駭非常,再唔想處理政事了。
bottom of page