武則天好怕一隻動物。係咩呢？就係貓。點解？其實有段故⋯⋯

後宮之中，諸多女子，為求上位，勾心鬥角，唇槍舌劍，步步驚心。

高宗時，王皇后同蕭淑妃爭權鬥勢，王皇后更引武氏入宮，清除蕭淑妃，點知後後武氏越得高宗寵愛，唔聽王皇后講，後同武則天既宮廷鬥爭中失敗，被廢為庶人，武昭儀被立為皇后，將王皇后改姓為蟒氏，蕭淑妃為梟氏。（所以三個女人，憎人憎到要改埋人地個姓⋯⋯）

果時，王皇后同蕭淑妃被囚，按《舊唐書·后妃上》，蕭淑妃曾大力詛咒武后「願阿武為老鼠，吾作貓兒，生生扼其喉！」（你做老鼠我做貓，下世我一定割你喉嚨）

高宗曾經想念兩個舊情人，於是去探王氏同蕭氏，高宗見到兩個人被鎖係密室，起憐憫之心。件事比武后知道，於是杖打二人一百，並去其手足，投入酒缸，「令此二嫗骨醉！」，最後就死左。

因為蕭淑妃生前既詛咒，所以武后好怕貓（但有就佢之前都好驚貓），唔準宮中養貓，而且佢都成日發惡夢，即位後更遷都洛陽，名為「神都」

所以，女人間既勾心鬥角都幾恐怖..