相信不少同學都睇過三國演義/研究下三國史，大家當然最熟悉既係諸葛亮既《出師表》(當然啦，中文要背﹗呵呵)，三國演義有好多誇大諸葛亮既戰功/老作左好多歷史，例如諸葛亮以空城退司馬懿、係北伐前都有罵死王朗既故事。如果有睇過老三國既話，諸葛亮罵死王朗既一段令人拍案叫絕，文章下有一條LINK就係[諸葛亮罵死王朗]既一段情節。

諸葛亮其中一句說話﹕[今幸天意不絕炎漢，昭烈皇帝於西川繼承大統。] 昭烈皇帝即係劉備啦，好奇怪既係，我地讀中史會知讀秦始皇以周為火德，而水勊火，所以秦為水德，到左漢代時改以漢為土德，因為土勊水，但點解諸葛亮會講「炎漢」而唔係「土漢」呢？會唔會係《三國演義》搞錯左？或者係唐國強UP錯呢？

要知依個說法，先要知咩叫「五德終始說」，我地讀王莽篡漢時會讀到，依個概念係戰國時鄒衍提出，「五德」即係金、木、水、火、土代表的德性，循環不息。當中佢講一個王朝因為有五行中既其中一德，代表受命於天，當可繼承大統，若該朝德衰，就有下一個德取代佢，就要重新受命，西漢末年就係流行依個講法，話漢朝德衰，當有新天子自居，果個就係王莽啦﹗所以周係火德，為秦所滅，因為秦係水德，而漢係土德，因為土勊水。

但係王莽篡漢後，為左證明佢既政權合法性，係禪讓傳位有德有能之人，而唔係篡位，所以採用劉向父子「五行相生說」，並且改左以前既體系，以漢朝為「火德」，而以後歷代就係以五行相生說做皇朝更替既依據﹗

(曾經有個故事，係劉邦斬白蛇，相傳劉邦有一次押送戌卒去驪山做苦力，點知路上走左好多人，而劉邦最後都將所有人放左，但因為劉邦得民心，最後有幾個人都願意跟著佢，結果無啦啦劉邦係條路到斬左條「白蛇」，有個婦人大肆傳言為炎帝之子斬左白帝之子(白蛇)，劉邦好開心，因為咁樣即係話佢係炎帝之子，他日定成大業，結果都真係創左漢朝。但有另一個說法，話劉邦斬左條白蛇兩半後，白蛇懷恨在心，漢代基業出王莽(亡蟒)斷開左兩半，依個都係劉邦既報應)

諸葛亮罵死王朗片段(老三國)﹕https://www.youtube.com/watch?v=lu-XEzOm90g

​

​