[Alvin旅遊台の歷史知多一點點]

柏林圍牆

​

有時一件歷史事件，可以話係無啦啦咁發生，所有野都係一瞬間，正如柏林圍牆都係無啦啦果一下就有人整冧左。

由於二戰後，德國及柏林分為美英法蘇分區管治，而因為美英法屬冷戰時同一陣營，所以大抵上將柏林分為東柏林及西柏林，東柏林由蘇聯控制，西柏林主要由美國控制。但由於經濟方面既發展西柏林明顯比東柏林好，所以好多人會由東柏林走去西柏林，有見及此，1960年起有《開槍射擊令》，東德邊防軍允許對非法越境者開槍射擊，1961年興建柏林圍牆，防止東柏林人逃走到西柏林。但其實走佬方法層出不窮，包括有人用引水道走，有人攀爬圍牆等等。

1985年，戈巴卓夫上台，對蘇聯改革開放，願意下放權力及對西方資本主義國家修好。蘇聯所控制既東歐衛星國都開始有民主化運動。柏林圍牆就係依個時候。。。。。。

時間到左1989年11月9日，由於當時有大批東德人經匈牙利和捷克斯洛伐克(上文所示東歐國家)逃往西德，新東德政府開始計劃放鬆對東德人民的旅遊限制(留意係計劃，仲未實行)，但因為東德政府錯誤理解上級指示，記者會上有記者問幾時實行，政府話[即時實行]，依句即時實行，令東柏林既民眾非常興奮，齊集係柏林圍牆，一齊撞破圍牆，邊防軍都制止唔到。

如是者，分隔東西柏林民眾28年既柏林圍牆倒塌，翌年1990年東西德亦宣告統一，1991年冷戰亦結束。